main mohabbat na chhupaun tu adawat na chhupa
na yahi raaz mein ab hai na wahi raaz mein hai

Kaleem Aajiz

---

---

talluq hai na ab tark-e-talluq
KHuda jaane ye kaisi dushmani hai

Kamil Bahzadi

---

---

dushmani ne suna na howega
jo hamein dosti ne dikhlaya

Khwaja Meer u0027Dardu0027

---

---

aa gaya 'jauhar' ajab ulTa zamana kya kahen
dost wo karte hain baaten jo adu karte nahin

Lala Madhav Ram Jauhar

---

---

ai dost tujh ko rahm na aae to kya karun
dushman bhi mere haal pe ab aab-dida hai

Lala Madhav Ram Jauhar

---

---

jo dost hain wo mangte hain sulh ki dua
dushman ye chahte hain ki aapas mein jang ho

Lala Madhav Ram Jauhar

---

---

dushmani lakh sahi KHatm na kije rishta
dil mile ya na mile hath milate rahiye

enmity however strong, the contact never break
hearts and minds may be apart, the hands must ever shake

Nida Fazli

---

---