aql kahti hai dobara aazmana jahl hai
dil ye kahta hai fareb-e-dost khate jaiye

Mahirul Qadri

---

---

wo mere sath hai sae ki tarah
dil ki zid hai ki nazar bhi aae

Mahmood Ayaz

---

---

dil bhi toDa to saliqe se na toDa tum ne
bewafai ke bhi aadab hua karte hain

Mahtab Alam

---

---

ishq ke shoale ko bhaDkao ki kuchh raat kaTe
dil ke angare ko dahkao ki kuchh raat kaTe

Makhdoom Mohiuddin

---

---

chehre pe sare shahr ke gard-e-malal hai
jo dil ka haal hai wahi dilli ka haal hai

Malikzada Manzoor Ahmad

---

---

mujh se dilli ki nahin dil ki kahani suniye
shahr to ye bhi kai bar luTa hai mujh mein

Mansoor Usmani

---

---

dard ho dil mein to dawa kije
aur jo dil hi na ho to kya kije

Manzar Lakhnavi

---

---