shararat dil mein us but ke bhari hai
isi patthar mein hain lakhon sharar band

Lala Madhav Ram Jauhar

---

---

sine se lipTo ya gala kaTo
hum tumhaare hain dil tumhaara hai

Lala Madhav Ram Jauhar

---

---

tera qusur-war KHuda ka gunahgar
jo kuchh ki tha yahi dil-e-KHana-KHarab tha

Lala Madhav Ram Jauhar

---

---

us ne phir kar bhi na dekha main use dekha kiya
de diya dil rah chalte ko ye main ne kya kiya

Lala Madhav Ram Jauhar

---

---

kis se ummid karen koi elaj-e-dil ki
chaaragar bhi to bahut dard ka mara nikla

Lutf-ur-rahman

---

---

dekho duniya hai dil hai
apni apni manzil hai

Mahboob Khizan

---

---

meri nakaamiyon par hansne wale
tere pahlu mein shayad dil nahin hai

Mahesh Chandra Naqsh

---

---