dil-ruba tujh sa jo dil lene mein ayyari kare
phir koi dilli mein kya dil ki KHabardari kare

Abdul Rahman Ehsan Dehlvi

---

---

hamin hain maujib-e-bab-e-fasahat hazrat-e-'shair'
zamana sikhta hai hum se hum wo dilli wale hain

Agha Shayar Qazalbash

---

---

tazkira dehli-e-marhum ka ai dost na chheD
na suna jaega hum se ye fasana hargiz

Altaf Hussain Hali

---

---

ai wae inqalab zamane ke jaur se
dilli 'zafar' ke hath se pal mein nikal gai

Bahadur Shah Zafar

---

---

dil ki basti purani dilli hai
jo bhi guzra hai us ne luTa hai

Bashir Badr

---

---

arz-e-dakan mein jaan to dilli mein dil bani
aur shahr-e-lucknow mein hina ban gai ghazal

Ganesh Bihari Tarz

---

---

ai saba main bhi tha aashufta-saron mein yakta
puchhna dilli ki galiyon se mera nam kabhi

Hasan Nayeem

---

---