dil ki virani ka kya mazkur hai
ye nagar sau martaba luTa gaya

why even mention of the heart's deserted state
this city's been looted a hundred times to date

Mir Taqi Mir

---

---

kisu se dil nahin milta hai ya rab
hua tha kis ghaDi un se juda main

Mir Taqi Mir

---

---

dil mein ek iztirab baqi hai
ye nishan-e-shabab baqi hai

Mirza Mohammad Taqi Hawas

---

---

dard-e-dil kya bayan karun 'rashki'
us ko kab e'tibar aata hai

Mohammad Ali Khan Rashki

---

---

kuchh to is dil ko saza di jae
us ki taswir haTa di jae

Mohammad Alvi

---

---

muddat ke baad aaj use dekh kar 'munir'
ek bar dil to dhaDka magar phir sambhal gaya

Muneer Niyazi

---

---

dil to mera udas hai 'nasir'
shahr kyun saen saen karta hai

Nasir Kazmi

---

---