shor barpa hai KHana-e-dil mein
koi diwar si giri hai abhi

Nasir Kazmi

---

---

KHafa dekha hai us ko KHwab mein dil saKHt muztar hai
khila de dekhiye kya kya gul-e-tabir-e-KHwab apna

Nazeer Akbarabadi

---

---

dil mein na ho jurat to mohabbat nahin milti
KHairaat mein itni baDi daulat nahin milti

Nida Fazli

---

---

dil jo de kar kisi kafir ko pareshan ho jae
aafiyat us ki hai is mein ki musalman ho jae

Nooh Narvi

---

---

dil ke do hisse jo kar Dale the husn-o-ishq ne
ek sahra ban gaya aur ek gulshan ho gaya

Nooh Narvi

---

---

dil unhen denge magar hum denge in sharton ke sath
aazma kar jaanch kar sun kar samajh kar dekh ka

Nooh Narvi

---

---

mujh ko ye fikr ki dil muft gaya hathon se
un ko ye naz ki hum ne use chhina kaisa

Nooh Narvi

---

---