dil-e-viran ko dekhte kya ho
ye wahi aarzu ki basti hai

Saifuddin Saif

---

---

dil hi ayyar hai be-wajh dhaDak uThta hai
warna afsurda hawaon mein bulawa kaisa

Saqi Faruqi

---

---

dil jo TuTa hai to phir yaad nahin hai koi
is KHarabe mein ab aabaad nahin hai koi

Sarfraz Khalid

---

---

ye jab hai ki ek KHwab se rishta hai hamara
din Dhalte hi dil Dubne lagta hai hamara

Shahryar

---

---

dil sa wahshi kabhi qabu mein na aaya yaro
haar kar baiTh gae jal bichhane wale

Shahzad Ahmad

---

---

de ke dil hath tere apne hath
hath par hath dhare baiThe hain

Shaikh Zahuruddin Hatim

---

---

dil dekhte hi us ko giraftar ho gaya
ruswa-e-shahr-o-kucha-o-bazar ho gaya

Shaikh Zahuruddin Hatim

---

---