ai junun phir mere sar par wahi shamat aai
phir phansa zulfon mein dil phir wahi aafat aai

Aasi Ghazipuri

---

---

imar-e-gham ki chaaragari kuchh zarur hai
wo dard dil mein de ki masiha kahen jise

Aasi Ghazipuri

---

---

dard-e-dil kitna pasand aaya use
main ne jab ki aah us ne wah ki

Aasi Ghazipuri

---

---

dil diya jis ne kisi ko wo hua sahib-e-dil
hath aa jati hai kho dene se daulat dil ki

Aasi Ghazipuri

---

---

mujh se to dil bhi mohabbat mein nahin KHarch hua
tum to kahte the ki is kaam mein ghar lagta hai

Abbas Tabish

---

---

dost ahbab se lene na sahaare jaana
dil jo ghabrae samundar ke kinare jaana

Abdul Ahad Saaz

---

---

dil abhi puri tarah TuTa nahin
doston ki mehrbani chahiye

my heartbreak's not complete, it pends
I need some favours from my friends

Abdul Hamid Adam

---

---