tamam raat nahaya tha shahr barish mein
wo rang utar hi gae jo utarne wale the

Jamal Ehsani

---

---

us ne barish mein bhi khiDki khol ke dekha nahin
bhigne walon ko kal kya kya pareshani hui

Jamal Ehsani

---

---

kyun mang rahe ho kisi barish ki duaen
tum apne shikasta dar-o-diwar to dekho

Jazib Quraishi

---

---

dar-o-diwar pe shaklen si banane aai
phir ye barish meri tanhai churane aai

Kaif Bhopali

---

---

'kaif' pardes mein mat yaad karo apna makan
ab ke barish ne use toD giraya hoga

Kaif Bhopali

---

---

wo ab kya KHak aae hae qismat mein tarasna tha
tujhe ai abr-e-rahmat aaj hi itna barasna tha

Kaifi Hyderabadi

---

---

ajab pur-lutf manzar dekhta rahta hun barish mein
badan jalta hai aur main bhigta rahta hun barish mein

Khalid Moin

---

---