higi miTTi ki mahak pyas baDha deti hai
dard barsat ki bundon mein basa karta hai

Marghoob Ali

---

---

aur bazar se kya le jaun
pahli barish ka maza le jaun

Mohammad Alvi

---

---

dhup ne guzarish ki
ek bund barish ki

Mohammad Alvi

---

---

ab ke barish mein to ye kar-e-ziyan hona hi tha
apni kachchi bastiyon ko be-nishan hona hi tha

Mohsin Naqvi

---

---

ghaTa dekh kar KHush huin laDkiyan
chhaton par khile phul barsat ke

Muneer Niyazi

---

---

yaad aai wo pahli barish
jab tujhe ek nazar dekha tha

Nasir Kazmi

---

---

aras rahi thi barish bahar
aur wo bhig raha tha mujh mein

Nazeer Qaisar

---

---