arish sharab-e-arsh hai ye soch kar 'adam'
barish ke sab huruf ko ulTa ke pi gaya

Abdul Hamid Adam

---

---

kachche makan jitne the barish mein bah gae
warna jo mera dukh tha wo dukh umr bhar ka tha

Akhtar Hoshiyarpuri

---

---

sath barish mein liye phirte ho us ko 'anjum'
tum ne is shahr mein kya aag lagani hai koi

Anjum Saleemi

---

---

hum se puchho mizaj barish ka
hum jo kachche makan wale hain

Ashfaque Anjum

---

---

aane wali barkha dekhen kya dikhlae aankhon ko
ye barkha barsate din to bin piritam be-kar gae

Habib Jalib

---

---

arsat ke aate hi tauba na rahi baqi
baadal jo nazar aae badli meri niyat bhi

Hasrat Mohani

---

---

furqat-e-yar mein insan hun main ya ki sahab
har baras aa ke rula jati hai barsat mujhe

Imam Bakhsh Nasikh

---

---