tere jamal ki taswir khinch dun lekin
zaban mein aankh nahin aankh mein zaban nahin

Jigar Moradabadi

---

---

ye KHadd-o-KHal ye gesu ye surat-e-zeba
sabhi ka husn hai apni jagah magar aankhen

Khan Rizwan

---

---

KHuda bachae teri mast mast aankhon se
farishta ho to bahak jae aadmi kya hai

Khumar Barabankavi

---

---

hain meri rah ka patthar meri aankhon ka hijab
zaKHm bahar ke jo andar nahin jaane dete

Khursheed Rizvi

---

---

jaan se ho gae badan KHali
jis taraf tu ne aankh bhar dekha

Khwaja Meer u0027Dardu0027

---

---

aaya hai mere dil ka ghubar aansuon ke sath
lo ab to hui malik-e-KHushki-o-tari aankh

Khwaja Mohammad Vazeer Lakhnavi

---

---

laDne ko dil jo chahe to aankhen laDaiye
ho jang bhi agar to mazedar jang ho

Lala Madhav Ram Jauhar

---

---