talab karen to ye aankhen bhi in ko de dun main
magar ye log in aankhon ke KHwab mangte hain

Abbas Rizvi

---

---

aankhon tak aa saki na kabhi aansuon ki lahr
ye qafila bhi naql-e-makani mein kho gaya

Abbas Tabish

---

---

ek hasin aankh ke ishaare par
qafile rah bhul jate hain

Abdul Hamid Adam

---

---

jab tere nain muskuraate hain
zist ke ranj bhul jate hain

Abdul Hamid Adam

---

---

har lae hain hum aankh mein rakhne ko muqabil
ek KHwab-e-tamanna teri ghaflat ke baraba

Abrar Ahmad

---

---

har ek aankh mein hoti hai muntazir koi aankh
har ek dil mein kahin kuchh jagah nikalti hai

Abrar Ahmad

---

---

zara der baiThe the tanhai mein
teri yaad aankhen dukhane lagi

Adil Mansuri

---

---