un jhil si gahri aankhon mein
ek lahar si har dam rahti hai

Rasa Chughtai

---

---

log karte hain KHwab ki baaten
hum ne dekha hai KHwab aankhon se

Sabir Dutt

---

---

main ne chaha tha ki ashkon ka tamasha dekhun
aur aankhon ka KHazana tha ki KHali nikla

Saqi Faruqi

---

---

kaifiyyat-e-chashm us ki mujhe yaad hai 'sauda'
saghar ko mere hath se lijo ki chala main

Sauda Mohammad Rafi

---

---

aankh ki ye ek hasrat thi ki bas puri hui
aansuon mein bhig jaane ki hawas puri hui

Shahryar

---

---

ab apne chehre par do patthar se sajae phirta hun
aansu le kar bech diya hai aankhon ki binai ko

Shahzad Ahmad

---

---

tumhaari aankh mein kaifiyyat-e-KHumar to hai
sharab ka na sahi nind ka asar hi sahi

Shahzad Ahmad

---

---