yun churain us ne aankhen sadgi to dekhiye
bazm mein goya meri jaanib ishaara kar diya

Fani Badayuni

---

---

aankhon mein jo baat ho gai hai
ek sharh-e-hayat ho gai hai

Firaq Gorakhpuri

---

---

jo un masum aankhon ne diye the
wo dhoke aaj tak main kha raha hun

Firaq Gorakhpuri

---

---

aankhon se aansuon ke marasim purane hain
mehman ye ghar mein aaen to chubhta nahin dhuan

Gulzar

---

---

aankh kam-baKHt se us bazm mein aansu na ruka
ek qatre ne Duboya mujhe dariya ho ka

Hafeez Jalandhari

---

---

aankhen na jine dengi teri be-wafa mujhe
kyun khiDkiyon se jhank rahi hai qaza mujhe

Imdad Ali Bahr

---

---

koi samjhae ki kya rang hai maiKHane ka
aankh saqi ki uThe nam ho paimane ka

Iqbal Safi Puri

---

---