ab dhanak ke rang bhi un ko bhale lagte nahin
mast sare shahr wale KHun ki holi mein the

Aal-e-Ahmad Suroor

---

---

abhi aate nahin us rind ko aadab-e-mai-KHana
jo apni tishnagi ko faiz-e-saqi ki kami samjhe

Aal-e-Ahmad Suroor

---

---

astiyan kuchh huin viran to matam kaisa
kuchh KHarabe bhi to aabaad hua karte hain

Aal-e-Ahmad Suroor

---

---

hum jis ke ho gae wo hamara na ho saka
yun bhi hua hisab barabar kabhi kabhi

Aal-e-Ahmad Suroor

---

---

hum to kahte the zamana hi nahin jauhar-shanas
ghaur se dekha to apne mein kami pai gai

Aal-e-Ahmad Suroor

---

---

hasti ke bhayanak nazzare sath apne chale hain duniya se
ye KHwab-e-pareshan aur hum ko ta-subh-e-qayamat sona hai

Aal-e-Ahmad Suroor

---

---

husn kafir tha ada qatil thi baaten sehr thin
aur to sab kuchh tha lekin rasm-e-dildari na thi

Aal-e-Ahmad Suroor

---

---