qaem main ghazal taur kiya reKHta warna
ek baat lachar si ba-zaban-e-dakani thi

Qayem Chandpuri

---

---

'qaem' main iKHtiyar kiya shaeri ka aib
pahuncha na koi shaKHs jab apne hunar talak

Qayem Chandpuri

---

---

'qaem' main reKHta ko diya KHilat-e-qubul
warna ye pesh-e-ahl-e-hunar kya kamal tha

Qayem Chandpuri

---

---

qazi KHabar le mai ko bhi likkha hai wan mubah
rishwat ka hai jawaz teri jis kitab mein

Qayem Chandpuri

---

---

qismat to dekh TuTi hai ja kar kahan kamand
kuchh dur apne hath se jab baam rah gaya

Qayem Chandpuri

---

---

qissa-e-barhana-pai ko mere ai majnun
KHar se puchh ki sab nok-e-zaban hai us ko

Qayem Chandpuri

---

---

asm is ghar ki nahin dad kisu ki de koi
shor-o-ghaugha na kar ai murgh-e-giraftar abas

Qayem Chandpuri

---

---