main kaha ahd kya kiya tha raat
hans ke kahne laga ki yaad nahin

Qayem Chandpuri

---

---

main kin aankhon se ye dekhun ki saya sath ho tere
mujhe chalne de aage ya Tuk us ko peshtar le ja

Qayem Chandpuri

---

---

masjid se gar tu shaiKH nikala hamein to kya
'qaem' wo mai-farosh ki apne dukan rahe

Qayem Chandpuri

---

---

meri nazar mein hai 'qaem' ye kaenat tamam
nazar mein go koi lata nahin hai yan mujh ko

Qayem Chandpuri

---

---

mujh be-gunah ke qatl ka aahang kab talak
aa ab bina-e-sulh rakhen jang kab talak

Qayem Chandpuri

---

---

na jaane kaun si saat chaman se bichhDe the
ki aankh bhar ke na phir su-e-gulsitan dekha

Qayem Chandpuri

---

---

nazar mein kaba kya Thahre ki yan dair
raha hai muddaton maskan hamara

Qayem Chandpuri

---

---