shikwa na baKHt se hai ne aasman se mujh ko
pahunchi jo kuchh aziyyat apne guman se mujh ko

Qayem Chandpuri

---

---

subh tak tha wahin ye muKHlis bhi
aap rakhte the shab jahan tashrif

Qayem Chandpuri

---

---

taraf ne band kiya hai har ek taraf se tujhe
taraf na pakDe to tujh ko hain le shumar taraf

Qayem Chandpuri

---

---

tark kar apna bhi ki is rah mein
har koi shayan-e-rifaqat nahin

Qayem Chandpuri

---

---

thoDi si baat mein 'qaem' ki tu hota hai KHafa
kuchh haramzadgain apni bhi tujhe yaad hain shaiKH

Qayem Chandpuri

---

---

Tuk fahm iradat se barhaman ki samajh shaiKH
kya kam hai KHuda se tere hangama butan ka

Qayem Chandpuri

---

---

TukDe kai ek dil ke main aapas mein siye hain
phir subh talak rone ke asbab kiye hain

Qayem Chandpuri

---

---