aaj ek aur baras bit gaya us ke baghair
jis ke hote hue hote the zamane mere

Ahmad Faraz

---

---

aashiqi mein 'mir' jaise KHwab mat dekha karo
bawle ho jaoge mahtab mat dekha karo

Ahmad Faraz

---

---

ab aur kya kisi se marasim baDhaen hum
ye bhi bahut hai tujh ko agar bhul jaen hum

Ahmad Faraz

---

---

ab dil ki tamanna hai to ai kash yahi ho
aansu ki jagah aankh se hasrat nikal aae

Ahmad Faraz

---

---

ab tera zikr bhi shayad hi ghazal mein aae
aur se aur hue dard ke unwan jaanan

Ahmad Faraz

---

---

ab tere zikr pe hum baat badal dete hain
kitni raghbat thi tere nam se pahle pahle

Ahmad Faraz

---

---

ab to ye aarzu hai ki wo zaKHm khaiye
ta-zindagi ye dil na koi aarzu kare

Ahmad Faraz

---

---