un se bhi puchhiye kabhi apni zamin ka karb
jo sahilon ko chhoD ke dariya mein aa gae

Ahmad Azeem

---

---

diwar-e-kuhan ke zer-e-saya
baalu ke mahal ki dastan hai

Ahmad Azimabadi

---

---

aaj mujhe apni aankhon se us ke qurb ki KHushbu aai
meri nazar se us ne shayad apne-ap ko dekha hoga

Ahmad Faqih

---

---

ahl-e-KHirad ise na samajh paenge 'faqih'
kuchh masale hain mawara fath o shikast se

Ahmad Faqih

---

---

wo jata raha aur main kuchh bol na paya
chiDiyon ne magar shor sa diwar pe khincha

Ahmad Faqih

---

---

yun dard ne ummid ke laD se mujhe bandha
dariyaon ko jis tarah kinara kare koi

Ahmad Faqih

---

---

aankh se dur na ho dil se utar jaega
waqt ka kya hai guzarta hai guzar jaega

Ahmad Faraz

---

---