udasi ka samundar dekh lena
meri aankhon mein aa kar dekh lena

Kafeel Aazar Amrohvi

---

---

us ki aankhon mein utar jaane ko ji chahta hai
sham hoti hai to ghar jaane ko ji chahta hai

Kafeel Aazar Amrohvi

---

---

ye hadsa bhi tere shahr mein hua hoga
tamam shahr mujhe DhunDhta phira hoga

Kafeel Aazar Amrohvi

---

---

ye hadsa to hua hi nahin hai tere baad
ghazal kisi ko kaha hi nahin hai tere baad

Kafeel Aazar Amrohvi

---

---

aaj kuchh aise shoale bhaDke barish ke har qatre se
dhup panahen mang rahi hai bhige hue daraKHton mein

Kaif Ahmed Siddiqui

---

---

aaj phir shaKH se gire patte
aur miTTi mein mil gae patte

Kaif Ahmed Siddiqui

---

---

chaman mein shiddat-e-dard-e-numud se ghunche
taDap rahe hain magar muskurae jate hain

Kaif Ahmed Siddiqui

---

---