koi manzil nahin milti to Thahar jate hain
ashk aankhon mein musafir ki tarah aate hain

Kafeel Aazar Amrohvi

---

---

main apne-ap se har dam KHafa rahta hun yun 'azar'
purani dushmani ho jis tarah do KHandanon mein

Kafeel Aazar Amrohvi

---

---

makan shishe ka banwate ho 'azar'
bahut aaenge patthar dekh lena

Kafeel Aazar Amrohvi

---

---

mere hathon se khilaune chhin kar
mujh ko zaKHmon ki kahani de gaya

Kafeel Aazar Amrohvi

---

---

subh le jate hain hum apna janaza ghar se
sham ko phir use kandhon pe uTha late hain

Kafeel Aazar Amrohvi

---

---

tum ko mahaul se ho jaegi nafrat 'azar'
itne nazdik se dekha na karo yaron ko

Kafeel Aazar Amrohvi

---

---

tumhaari bazm se nikle to hum ne ye socha
zamin se chand talak kitna fasla hoga

Kafeel Aazar Amrohvi

---

---