nikal aae tanha teri rah-guzar par
bhaTakne ko hum karwan chhoD aae

Kaif Azimabadi

---

---

tum samundar ki rifaqat pe bharosa na karo
tishnagi lab pe sajae hue mar jaoge

Kaif Azimabadi

---

---

aag ka kya hai pal do pal mein lagti hai
bujhte bujhte ek zamana lagta hai

Kaif Bhopali

---

---

aap ne jhuTa wada kar ke
aaj hamari umr baDha di

Kaif Bhopali

---

---

chahta hun phunk dun is shahr ko
shahr mein in ka bhi ghar hai kya karun

Kaif Bhopali

---

---

chaar jaanib dekh kar sach boliye
aadmi phirte hain sarkari bahut

Kaif Bhopali

---

---

chalte hain bach ke shaiKH o barhaman ke sae se
apna yahi amal hai bure aadmi ke sath

Kaif Bhopali

---

---