sard jazbe bujhe bujhe chehre
jism zinda hain mar gae chehre

Kaif Ahmed Siddiqui

---

---

tanhai ki dulhan apni mang sajae baiThi hai
virani aabaad hui hai ujDe hue daraKHton mein

Kaif Ahmed Siddiqui

---

---

tanhaiyon ko saunp ke tarikiyon ka zahr
raaton ko bhag aae hum apne makan se

Kaif Ahmed Siddiqui

---

---

wo KHud hi apni aag mein jal kar fana hua
jis sae ki talash mein ye aaftab hai

Kaif Ahmed Siddiqui

---

---

na jaane kaun si manzil ko chal diye patte
bhaTak rahi hain hawaen musafiron ki tarah

Kaif Ansari

---

---

diwar-o-dar pe KHun ke chhinTe hain ja-ba-ja
bikhra hua hai rang-e-hina tere shahar mein

Kaif Azimabadi

---

---

KHushbu-e-hina kahna narmi-e-saba kahna
jo zaKHm mile tum ko phulon ki qaba kahna

Kaif Azimabadi

---

---