gulshan-parast hun mujhe gul hi nahin aziz
kanTon se bhi nibah kiye ja raha hun main

Jigar Moradabadi

---

---

gunahgar ke dil se na bach ke chal zahid
yahin kahin teri jannat bhi pai jati hai

Jigar Moradabadi

---

---

hae re majburiyan mahrumiyan nakaamiyan
ishq aaKHir ishq hai tum kya karo hum kya karen

Jigar Moradabadi

---

---

hae wo raaz-e-gham ki jo ab tak
tere dil mein meri nigah mein hai

Jigar Moradabadi

---

---

hae ye husn-e-tasawwur ka fareb-e-rang-o-bu
main ye samjha jaise wo jaan-e-bahaar aa hi gaya

Jigar Moradabadi

---

---

hae-ri majburiyan tark-e-mohabbat ke liye
mujh ko samjhate hain wo aur un ko samjhata hun main

Jigar Moradabadi

---

---

hajw ne to tera ai shaiKH bharam khol diya
tu to masjid mein hai niyyat teri mai-KHane mein

Jigar Moradabadi

---

---