hum ishq ke maron ka itna hi fasana hai
rone ko nahin koi hansne ko zamana hai

Jigar Moradabadi

---

---

hum ko miTa sake ye zamane mein dam nahin
hum se zamana KHud hai zamane se hum nahin

Jigar Moradabadi

---

---

hum ne sine se lagaya dil na apna ban saka
muskura kar tum ne dekha dil tumhaara ho gaya

Jigar Moradabadi

---

---

hamin jab na honge to kya rang-e-mahfil
kise dekh kar aap sharmaiyega

Jigar Moradabadi

---

---

har taraf chha gae paigham-e-mohabbat ban kar
mujh se achchhi rahi qismat mere afsanon ki

Jigar Moradabadi

---

---

hasin teri aanhken hasin tere aansu
yahin Dub jaane ko ji chahta hai

Jigar Moradabadi

---

---

husn ke har jamal mein pinhan
meri ranai-e-KHayal bhi hai

Jigar Moradabadi

---

---