us ne barish mein bhi khiDki khol ke dekha nahin
bhigne walon ko kal kya kya pareshani hui

Jamal Ehsani

---

---

usi maqam pe kal mujh ko dekh kar tanha
bahut udas hue phul bechne wale

Jamal Ehsani

---

---

yaad rakhna hi mohabbat mein nahin hai sab kuchh
bhul jaana bhi baDi baat hua karti hai

Jamal Ehsani

---

---

ye gham nahin hai ki hum donon ek ho na sake
ye ranj hai ki koi darmiyan mein bhi na tha

Jamal Ehsani

---

---

ye kaun aane jaane laga us gali mein ab
ye kaun meri dastan dohrane wala hai

Jamal Ehsani

---

---

ghar ke sab darwaze kyun diwar hue hain
ghar se bahar duniya sari chiKH rahi hai

Jamal Owaisi

---

---

gurez-pa hai naya rasta kidhar jaen
chalo ki lauT ke hum apne apne ghar jaen

Jamal Owaisi

---

---