pighalte dekh ke suraj ki garmi
abhi masum kirnen ro gai hain

Jalib Nomani

---

---

aur ab ye chahta hun koi gham baTae mera
main apni miTTi kabhi aap Dhone wala tha

Jamal Ehsani

---

---

duniya pasand aane lagi dil ko ab bahut
samjho ki ab ye bagh bhi murjhane wala hai

Jamal Ehsani

---

---

haarne walon ne is ruKH se bhi socha hoga
sar kaTana hai to hathiyar na Dale jaen

Jamal Ehsani

---

---

hum aise be-hunaron mein hai jo saliqa-e-zist
tere dayar mein pal-bhar qayam se aaya

Jamal Ehsani

---

---

hazar tarah ke the ranj pichhle mausam mein
par itna tha ki koi sath rone wala tha

Jamal Ehsani

---

---

ek safar mein koi do bar nahin luT sakta
ab dobara teri chahat nahin ki ja sakti

Jamal Ehsani

---

---