kuchh iztirab-e-ishq ka aalam na puchhiye
bijli taDap rahi thi ki jaan is badan mein thi

Jagat Mohan Lal Ravan

---

---

pesh to hoga adalat mein muqadma be-shak
jurm qatil hi ke sar ho ye zaruri to nahin

Jagat Mohan Lal Ravan

---

---

samne tarif ghibat mein gila
aap ke dil ki safai dekh li

Jagat Mohan Lal Ravan

---

---

toDa hai dam abhi abhi bimar-e-hijr ne
aae magar huzur ko taKHir ho gai

Jagat Mohan Lal Ravan

---

---

us ko KHizan ke aane ka kya ranj kya qalaq
rote kaTa ho jis ko zamana bahaar ka

Jagat Mohan Lal Ravan

---

---

wo baada-nosh haqiqat hai is jahan mein 'rawan'
ki jhum jae falak gar use KHumar aae

Jagat Mohan Lal Ravan

---

---

wo KHush ho ke mujh se KHafa ho gaya
mujhe kya umiden thin kya ho gaya

Jagat Mohan Lal Ravan

---

---