gai thi kah ke main lati hun zulf-e-yar ki bu
phiri to baad-e-saba ka dimagh bhi na mila

Jalal Lakhnavi

---

---

ishq ki choT ka kuchh dil pe asar ho to sahi
dard kam ho ya ziyaada ho magar ho to sahi

Jalal Lakhnavi

---

---

'jalal' ahd-e-jawani hai doge dil sau bar
abhi ki tauba nahin e'tibar ke qabil

Jalal Lakhnavi

---

---

na ho barham jo bosa be-ijazat le liya main ne
chalo jaane do betabi mein aisa ho hi jata hai

Jalal Lakhnavi

---

---

pahunche na wahan tak ye dua mang raha hun
qasid ko udhar bhej ke dhyan aae hai kya kya

Jalal Lakhnavi

---

---

wada kyun bar bar karte ho
KHud ko be-e'tibar karte ho

Jalal Lakhnavi

---

---

dil ko is tarh dekhne wale
dil agar be-qarar ho jae

Jalaluddin Akbar

---

---