main kya karun ki zabt-e-tamanna ke bawajud
be-iKHtiyar lab pe tera nam aa gaya

Jagan Nath Azad

---

---

sukun-e-dil jahan-e-besh-o-kam mein DhunDne wale
yahan har chiz milti hai sukun-e-dil nahin milta

Jagan Nath Azad

---

---

tumhein kuchh is ki KHabar bhi hai ai chaman walo
sahar ke baad nasim-e-sahar pe kya guzri

Jagan Nath Azad

---

---

aaen pasand kya use duniya ki rahaten
jo lazzat-ashna-e-sitam-ha-e-naz tha

Jagat Mohan Lal Ravan

---

---

abhi tak fasl-e-gul mein ek sada-e-dard aati hai
wahan ki KHak se pahle jahan tha aashiyan mera

Jagat Mohan Lal Ravan

---

---

agar kuchh roz zinda rah ke mar jaana muqaddar hai
to is duniya mein aaKHir bais-e-taKHliq-e-jaan kya tha

Jagat Mohan Lal Ravan

---

---

hanse bhi roe bhi lekin na samjhe
KHushi kya chiz hai duniya mein gham kya

Jagat Mohan Lal Ravan

---

---