wo mujh ko bhul chuka ab yaqin hai warna
wafa nahin to jafaon ka silsila rakhta

Iffat Zarrin

---

---

zehn o dil ke fasle the hum jinhen sahte rahe
ek hi ghar mein bahut se ajnabi rahte rahe

Iffat Zarrin

---

---

ajab tanaw hai mahaul mein kahen kis se
kahin pe aaj koi hadsa hua to nahin

Iftikhar Aazmi

---

---

husn yun ishq se naraaz hai ab
phul KHushbu se KHafa ho jaise

Iftikhar Aazmi

---

---

kitna sunsan hai rasta dil ka
qafila koi luTa ho jaise

Iftikhar Aazmi

---

---

shor-e-dariya-e-wafa-e-ishrat ishrat-e-sahil ke qarib
ruk gae apne qadam aae jo manzil ke qari

Iftikhar Aazmi

---

---

ab bhi tauhin-e-itaat nahin hogi hum se
dil nahin hoga to baiat nahin hogi hum se

Iftikhar Arif

---

---