na dard tha na KHalish thi na tilmilana tha
kisi ka ishq na tha wo bhi kya zamana tha

Hijr Nazim Ali Khan

---

---

shab-e-firaq kuchh aisa KHayal-e-yar raha
ki raat bhar dil-e-gham-dida be-qarar raha

Hijr Nazim Ali Khan

---

---

us bazm mein jo kuchh nazar aaya nazar aaya
ab kaun batae ki hamein kya nazar aaya

Hijr Nazim Ali Khan

---

---

aaj na hum se puchhiye kaisa kamal ho gaya
hijr ke KHauf mein rahe aur visal ho gaya

Hilal Fareed

---

---

aaj phir dab gain dard ki siskiyan
aaj phir gunjta qahqaha rah gaya

Hilal Fareed

---

---

apne dukh mein rona-dhona aap hi aaya
ghair ke dukh mein KHud ko dukhana ishq mein sikha

Hilal Fareed

---

---

ahar jo nahin tha to koi baat nahin thi
ehsas-e-nadamt magar andar bhi nahin tha

Hilal Fareed

---

---