pahle bhi jahan par bichhDe the wahi manzil thi is bar magar
wo bhi be-laus nahin lauTa hum bhi be-tab nahin aae

Hilal Fareed

---

---

us ajnabi se wasta zarur tha koi
wo jab kabhi mila to bas mera laga mujhe

Hilal Fareed

---

---

ab na koi manzil hai aur na rahguzar koi
jaane qafila bhaTke ab kahan kahan yaro

Himayat Ali Shayar

---

---

apne kisi amal pe nadamat nahin mujhe
tha nek-dil bahut jo gunahgar mujh mein tha

Himayat Ali Shayar

---

---

adan pe pairahan-e-KHak ke siwa kya hai
mere alaw mein ab rakh ke siwa kya hai

Himayat Ali Shayar

---

---

hum bhi hain kisi kahf ke ashab ke manind
aisa na ho jab aankh khule waqt guzar jae

Himayat Ali Shayar

---

---

har qadam par nit-nae sanche mein Dhal jate hain log
dekhte hi dekhte kitne badal jate hain log

Himayat Ali Shayar

---

---