wusat tilism-KHana-e-alam ki kya kahun
thak thak gai nigah tamashe na kam hue

Heera Lal Falak Dehlvi

---

---

yaad itna hai mere lab pe fughan aai thi
phir KHuda jaane kahan dil ki ye aawaz gai

Heera Lal Falak Dehlvi

---

---

dua hi wajh-e-karamat thoDi hoti hai
ghazab ki dhup mein barsat thoDi hoti hai

Hijab Abbasi

---

---

hai jab tak dasht-paimai salamat
rahegi aabla-pai salamat

Hijab Abbasi

---

---

hum is shahr-e-jafa-pesha se kuchh ummid kya rakkhen
yahan is haw-hu mein KHamushi ko kaun likkhega

Hijab Abbasi

---

---

aaya bhi koi dil mein gaya bhi koi dil se
aana nazar aaya na ye jaana nazar aaya

Hijr Nazim Ali Khan

---

---

ai hijr waqt Tal nahin sakta hai maut ka
lekin ye dekhna hai ki miTTi kahan ki hai

Hijr Nazim Ali Khan

---

---