mera KHat paDh liya us ne magar ye to bata qasid
nazar aai jabin par bund bhi koi pasine ki

Heera Lal Falak Dehlvi

---

---

nazron mein husn dil mein tumhaara KHayal hai
itne qarib ho ki tasawwur muhaal hai

Heera Lal Falak Dehlvi

---

---

niyyat agar KHarab hui hai huzur ki
ghaD lo koi kahani hamare qusur ki

Heera Lal Falak Dehlvi

---

---

pahuncho gar ek chand par sau aur aate hain nazar
aasman jaane hai kitni dur tak phaila hua

Heera Lal Falak Dehlvi

---

---

partaw-e-husn hun is waste mahdud hun main
husn ho jaun to duniya mein sama bhi na sakun

Heera Lal Falak Dehlvi

---

---

aushni tez karo chand sitaro apni
mujh ko manzil pe pahunchna hai sahar hone tak

Heera Lal Falak Dehlvi

---

---

tan ko miTTi nafas ko hawa le gai
maut ko kya mila maut kya le gai

Heera Lal Falak Dehlvi

---

---