ai saba main bhi tha aashufta-saron mein yakta
puchhna dilli ki galiyon se mera nam kabhi

Hasan Nayeem

---

---

ek dariya par kar ke aa gaya hun us ke pas
ek sahra ke siwa ab darmiyan koi nahin

Hasan Nayeem

---

---

gham se bikhra na paemal hua
main to gham se hi be-misal hua

Hasan Nayeem

---

---

gard-e-shohrat ko bhi daman se lipaTne na diya
koi ehsan zamane ka uThaya hi nahin

Hasan Nayeem

---

---

'iqbaal' ki nawa se musharraf hai go 'naim'
urdu ke sar pe 'mir' ki ghazlon ka taj hai

Hasan Nayeem

---

---

itna roya hun gham-e-dost zara sa hans kar
muskuraate hue lamhat se ji Darta hai

Hasan Nayeem

---

---

jahan dikhai na deta tha ek Tila bhi
wahan se log uTha kar pahaD lae hain

Hasan Nayeem

---

---