koi mausam ho yahi soch ke ji lete hain
ek na ek roz shajar gham ka hara to hoga

Hasan Nayeem

---

---

kuchh usulon ka nasha tha kuchh muqaddas KHwab the
har zamane mein shahadat ke yahi asbab the

Hasan Nayeem

---

---

kya firaq o faiz se lena tha mujh ko ai 'naim'
mere aage fikr-o-fan ke kuchh nae aadab the

Hasan Nayeem

---

---

main apni ruh mein us ko basa chuka itna
ab us ka husn bhi parda dikhai deta hai

Hasan Nayeem

---

---

main ek bab tha afsana-e-wafa ka magar
tumhaari bazm se uTTha to ek kitab bana

Hasan Nayeem

---

---

mauja-e-ashk se bhigi na kabhi nok-e-qalam
wo ana thi ki kabhi dard na ji ka likkha

Hasan Nayeem

---

---

panw se lag ke khaDi hai ye gharib-ul-watani
us ko samjhao ki hum apne watan aae hain

Hasan Nayeem

---

---