mausam ka zulm sahte hain kis KHamushi ke sath
tum pattharon se tarz-e-shakebai mang lo

Hasan Najmi Sikandarpuri

---

---

shahr ki bhiD mein shamil hai akela-pan bhi
aaj har zehn hai tanhai ka mara dekho

Hasan Najmi Sikandarpuri

---

---

ab aaina bhi mizajon ki baat karta hai
bikhar gae hain wo chehre jo aks bante rahe

Hasan Nasir

---

---

daraKHt kaT gaya lekin wo rabte 'nasir'
tamam raat parinde zamin pe baiThe rahe

Hasan Nasir

---

---

kya KHabar kab lauT aaen ajnabi deson se wo
peD par mahfuz un ke ghonsle rakh chhoDna

Hasan Nasir

---

---

wo chand jo utra hai kisi aur ke ghar mein
mujh ko to andheron se rihai nahin dega

Hasan Nasir

---

---

aa base kitne nae log makan-e-jaan mein
baam-o-dar par hai magar nam usi ka likkha

Hasan Nayeem

---

---