'hasn-jamil' tera ghar agar zamin pe hai
to phir ye kis liye gum aasman mein tu hai

Hasan Jameel

---

---

kitni be-rang thi duniya mere KHwabon ki 'jamil'
us ko dekha hai to aankhon mein ujala hua hai

Hasan Jameel

---

---

malum hua kaise KHizan aati hai gul par
sikha hai bikharna tere inkar se main ne

Hasan Jameel

---

---

ye raushni yunhi aaghosh mein nahin aati
charagh ban ke munDeron pe jalna paDta hai

Hasan Jameel

---

---

zindagi bhar dar-o-diwar sajae jaen
tab kahin ja ke makinon pe makan khulte hain

Hasan Jameel

---

---

hum ko is ki kya KHabar gulshan ka gulshan jal gaya
hum to apna sirf apna aashiyan dekha kiye

Hasan Najmi Sikandarpuri

---

---

mango samundaron se na sahil ki bhik tum
han fikr o fan ke waste gahrai mang lo

Hasan Najmi Sikandarpuri

---

---