jo bhi kahna hai kaho saf shikayat hi sahi
in ishaaraat-o-kinayat se ji Darta hai

Hasan Nayeem

---

---

jo mere dasht-e-junun mein tha farq-e-ru-e-bahaar
wahi KHirad ke KHarabe mein ek gulab bana

Hasan Nayeem

---

---

jurat kahan ki apna pata tak bata sakun
jita hun apne mulk mein auron ke nam se

Hasan Nayeem

---

---

kam nahin ai dil-e-betab mata-e-ummid
dast-e-mai-KHwar mein KHali hi sahi jam to hai

Hasan Nayeem

---

---

KHair se dil ko teri yaad se kuchh kaam to hai
wasl ki shab na sahi hijr ka hangam to hai

Hasan Nayeem

---

---

KHalwat-e-ummid mein raushan hai ab tak wo charagh
jis se uThta hai qarib-e-sham yaadon ka dhuan

Hasan Nayeem

---

---

kisi ne Dubti subhon taDapti shamon ko
ghazal ke jam mein shab ka KHumar bheja hai

Hasan Nayeem

---

---