fasl-e-bahaar aai piyo sufiyo sharab
bas ho chuki namaz musalla uThaiye

Haidar Ali Aatish

---

---

gul aate hain hasti mein adam se hama-tan-gosh
bulbul ka ye nala nahin afsana hai us ka

Haidar Ali Aatish

---

---

hajat nahin banao ki ai naznin tujhe
zewar hai sadgi tere ruKHsar ke liye

Haidar Ali Aatish

---

---

hamara kaba-e-maqsud tera taq-e-abru hai
teri chashm-e-siyah ko hum ne aahu-e-haram paya

Haidar Ali Aatish

---

---

id-e-nau-roz dil apna bhi kabhi KHush karte
yar aaghosh mein KHurshid hamal mein hota

Haidar Ali Aatish

---

---

ilahi ek dil kis kis ko dun main
hazaron but hain yan hindostan hai

Haidar Ali Aatish

---

---

jo aala-zarf hote hain hamesha jhuk ke milte hain
surahi sar-nigun ho kar bhara karti hai paimana

Haidar Ali Aatish

---

---