jo dekhte teri zanjir-e-zulf ka aalam
asir hone ki aazad aarzu karte

Haidar Ali Aatish

---

---

kaba o dair mein hai kis ke liye dil jata
yar milta hai to pahlu hi mein hai mil jata

Haidar Ali Aatish

---

---

karta hai kya ye mohtasib-e-sang-dil ghazab
shishon ke sath dil na kahin chur chur hon

Haidar Ali Aatish

---

---

kaun se din hath mein aaya mere daman-e-yar
kab zamin-o-asman ka fasla jata raha

Haidar Ali Aatish

---

---

KHuda daraaz kare umr charKH-e-nili ki
ye bekason ke mazaron ka shamiyana hai

Haidar Ali Aatish

---

---

kisi ki mahram-e-ab-e-rawan ki yaad aai
habab ke jo barabar kabhi habab aaya

Haidar Ali Aatish

---

---

kisi ne mol na puchha dil-e-shikasta ka
koi KHarid ke TuTa piyala kya karta

Haidar Ali Aatish

---

---