ai zulm ke mato lab kholo chup rahne walo chup kab tak
kuchh hashr to un se uTThega kuchh dur to nale jaenge

Faiz Ahmad Faiz

---

---

e-dam hue bimar dawa kyun nahin dete
tum achchhe masiha ho shifa kyun nahin dete

Faiz Ahmad Faiz

---

---

chang o nai rang pe the apne lahu ke dam se
dil ne lai badli to maddham hua har saz ka rang

Faiz Ahmad Faiz

---

---

chaman pe ghaarat-e-gul-chin se jaane kya guzri
qafas se aaj saba be-qarar guzri hai

Faiz Ahmad Faiz

---

---

dil na-umid to nahin nakaam hi to hai
lambi hai gham ki sham magar sham hi to hai

Faiz Ahmad Faiz

---

---

donon jahan teri mohabbat mein haar ke
wo ja raha hai koi shab-e-gham guzar ke

Faiz Ahmad Faiz

---

---

fareb-e-arzu ki sahl-angari nahin jati
hum apne dil ki dhaDkan ko teri aawaz-e-pa samjhe

Faiz Ahmad Faiz

---

---