hum aise sada-dilon ki niyaz-mandi se
buton ne ki hain jahan mein KHudaiyan kya kya

Faiz Ahmad Faiz

---

---

hum sahal-talab kaun se farhad the lekin
ab shahr mein tere koi hum sa bhi kahan hai

Faiz Ahmad Faiz

---

---

hum se kahte hain chaman wale ghariban-e-chaman
tum koi achchha sa rakh lo apne virane ka nam

Faiz Ahmad Faiz

---

---

hum shaiKH na leader na musahib na sahafi
jo KHud nahin karte wo hidayat na karenge

Faiz Ahmad Faiz

---

---

ek fursat-e-gunah mili wo bhi chaar din
dekhe hain hum ne hausle parwardigar ke

Faiz Ahmad Faiz

---

---

ek tarz-e-taghaful hai so wo un ko mubarak
ek arz-e-tamanna hai so hum karte rahenge

Faiz Ahmad Faiz

---

---

in mein lahu jala ho hamara ki jaan o dil
mahfil mein kuchh charagh farozan hue to hain

Faiz Ahmad Faiz

---

---