kabhi bhulaya kabhi yaad kar liya us ko
ye kaam hai to bahut mujh se kaam us ne liya

Faisal Ajmi

---

---

kabhi dekha hi nahin is ne pareshan mujh ko
main ki rahta hun sada apni nigahbani mein

Faisal Ajmi

---

---

KHauf gharqab ho gaya 'faisal'
ab samundar pe chal raha hun main

Faisal Ajmi

---

---

kya ilm ki rote hon to mar jate hon 'faisal'
wo log jo aankhon ko kabhi nam nahin karte

Faisal Ajmi

---

---

main so gaya to koi nind se uTha mujh mein
phir apne hath mein sab intizam us ne liya

Faisal Ajmi

---

---

main zaKHm kha ke gira tha ki tham us ne liya
muaf kar ke mujhe intiqam us ne liya

Faisal Ajmi

---

---

aat sitaron wali thi aur dhup bhara tha din
jab tak aankhen dekh rahi thin manzar achchhe the

Faisal Ajmi

---

---