kaha falak ne ye uDte hue parindon se
zamin pe log makanon mein qaid rahte hain

Faisal Saeed Zirgham

---

---

aae kuchh abr kuchh sharab aae
is ke baad aae jo azab aae

Faiz Ahmad Faiz

---

---

aae to yun ki jaise hamesha the mehrban
bhule to yun ki goya kabhi aashna na the

Faiz Ahmad Faiz

---

---

aap ki yaad aati rahi raat bhar
chandni dil dukhati rahi raat bha

Faiz Ahmad Faiz

---

---

ab apna iKHtiyar hai chahe jahan chalen
rahbar se apni rah juda kar chuke hain hum

Faiz Ahmad Faiz

---

---

ada-e-husn ki masumiyat ko kam kar de
gunahgar-e-nazar ko hijab aata hai

Faiz Ahmad Faiz

---

---

agar sharar hai to bhaDke jo phul hai to khile
tarah tarah ki talab tere rang-e-lab se hai

Faiz Ahmad Faiz

---

---