oz aaseb aate jate hain
aisa kya hai gharib-KHane mein

Faisal Ajmi

---

---

shajar se bichhDa hua barg-e-KHushk hun 'faisal'
hawa ne apne gharane mein rakh liya hai mujhe

Faisal Ajmi

---

---

tu KHwab-e-digar hai teri tadfin kahan ho
dil mein to kisi aur ko dafnaya hua hai

Faisal Ajmi

---

---

TuTta hai to TuT jaane do
aaine se nikal raha hun main

Faisal Ajmi

---

---

us ko jaane de agar jata hai
zahr kam ho to utar jata hai

Faisal Ajmi

---

---

jise kal raat bhar puja gaya tha
wo but kyun subh ko TuTa hua tha

Faisal Azeem

---

---

dard ne dil ki parwarish ki hai
dard hi sher se ada hoga

Faisal Saeed Zirgham

---

---