hazaron kaam mohabbat mein hain maze ke 'dagh'
jo log kuchh nahin karte kamal karte hain

Dagh Dehlvi

---

---

hazrat-e-'dagh' hai ye kucha-e-qatil uThiye
jis jagah baiThte hain aap to jam jate hain

Dagh Dehlvi

---

---

hazrat-e-dagh jahan baiTh gae baiTh gae
aur honge teri mahfil se ubharne wale

Dagh Dehlvi

---

---

hazrat-e-dil aap hain kis dhyan mein
mar gae lakhon isi arman mein

Dagh Dehlvi

---

---

ho chuka aish ka jalsa to mujhe KHat bheja
aap ki tarah se mehman bulae koi

Dagh Dehlvi

---

---

ho sake kya apni wahshat ka ilaj
mere kuche mein bhi sahra chahiye

Dagh Dehlvi

---

---

hua hai chaar sajdon par ye dawa zahido tum ko
KHuda ne kya tumhaare hath jannat bech Dali hai

Dagh Dehlvi

---

---